Dei første padlarane er observerte for sesongen, og det var ekstra kjekt å møta ein ung padlar frå eigen kommune.
Ruben J. Davidsen frå Dale hadde med seg ein tysk ven på padling i Eksingedalen laurdag i pinsehelga.

I dag, onsdag 24.mai, vart den fyrste onsdagsturen for sesongen gjennomført. Som vanleg startar Turgruppa med turar nedst i Eksingedalen, med tur til Fetstølen. Fire turar til er planlagt i vår, og i august og september vert det fem turar til.

I Eksingedalen vert det delt ut ein heiderspris, kvart år på 17.-mai. Det er "Årets Eksingdøl".
Dette året gjekk prisen til Anna Sveinungsdotter Bergo.

Som vanleg starta 17.-maitoget klokka 12, frå oppveksttunet i Eksingedalen. Og aller fremst i toget gjekk oppvekstunet med 9.klassingen Elias Bergo som flaggberar. Og dei som gjekk fremst, hadde øvd. Så her gjekk alle fint på rekkjer og ropte "Hurrs, hurra, hurra!"

Kjenner du nokon som har lysst til å jobba som fagarbeidar ved oppvekttunet?
Kanskje det er deg?

Det er ledig 100 % fast stilling for barne- og ungdomsarbeidar i Eksingedalen oppveksttun frå 7. august 2023.

Årets eksingedøl 2023
Til no har 4 dølar fått tildelt diplomet til «Årets eksingedøl. Det er Bygdarådet som deler ut prisen. «Årets eksingedøl» vert kåra for å synleggjere positivt engasjement og arbeid for Eksingedalen eller folk i dalen.
Den som blir kåra til "Årets eksingedøl" er ein person som har gjort ein god innsats for dalen siste året. Det kan vere for engasjement som også har foregått over fleire år. Prisvinnar blir annonsert på 17.mai, og utmerking blir då utdelt.
Styret i bygdarådet tek endeleg avgjerd på kven som får prisen, og for å klare dette treng me innspel frå bygdefolket. Kven meiner du fortener ein slik tittel i år? Me oppmodar om å tenkja vidt - det er mange som kunne fortene ein pris for positiv innsats. Kven er din kandidat?

Send ditt framlegg med grunngjeving på mail til magnanes@online.no eller i posten: Magnar Nese, Eksingedalsvegen 2782, 5728 Eidslandet, innan 10 mai.

Bilete: altarparti Eksingedalen kyrkje.

eksingedalen.no har fått ei melding frå dei som arbeider med førebuing til soknerådsvalet 2023 i Eksingedalen sokn. Meldinga ser slik ut:
«Eksingedalen Sokneråd søkjer etter personar som kan sitta i soknerådet frå hausten 2023. Manglar fortsett eitt rådsmedlem og to varamedlemer.
Håpar nokon har anledning til å være med.

Send melding eller ring Jarand Brørvik på 99363951».

For tre veker sidan opplevde Hege og familien noko av det verste som kan skje ein familie. Dei mista alt dei eigde i brann, både heimen og arbeidsplassen sin då butikken på Lavik vart råka av brann. Det byrja i sikringsskåpet, og heldigvis var mannen Kawe snartenkt og fekk redda ungane og seg sjølv ut av husværet dei budde i.

Mange tok turen til Ljosheim for å gå på kafe og kikka litt på loppene som var att. Handel vart det, og god prat rundt kaffibordet.

Påskeferien er truleg tida med høgast folketal i Eksingedalen. I hus og hytter som elles står tomme, er det lys og folksomt, og kvar dag er det stor trafikk langs vegen. Tradisjonen er lang, i mange tiår har folk teke seg ut og opp til fjells på påskeferie. Eksingedalen har sidan femti-talet vore populær påskeutfartsstad.

Påska 2023 går inn i hisoria som ei påske med mykje sol. Meir sol enn vèrmeldarane spådde, og det er det ingen som klagar på.