Denne veka har 18 eksingedølar fått opplæring i førstehjelp og bruk av hjartestartar.

-Eg er imponert over kor organisert dette er i Eksingedalen, sa kurshaldar Lasse Fossedal. For responstid om uhellet skulle vera ute, er lang i Eksingedalen. Det tek tid før helsepersonell er på plass, og at ein kjem fort i gang med livreddande førstehjelp er heilt avgjerande.

Minnar om årsmøte i Bygdarådet torsdag 11. april kl. 19.30. Innkalling og årsmelding finn du med å klikke på denne saka. Årsmeldinga ligg både som tekst og vedlegg. Innkallinga berre som vedlegg. Innkalling og sakliste er identisk med den som vart lagt ut i postkassane førre veke.

Den lokale tre-mila, med namn "Nilsaloppet" gjekk av stabelen i føremiddag. Kor langt av tre-mila deltakarane skulle gå, var heilt valfritt.
Heile 19 stilte til start, og omlag halvparten gjennomførte tre mil.

Alle glade og lukkelege, såg det ut til, uansett kor langt dei gjekk!

Hjarterstartaren som er plassert i Ljosheim er diverre ute av drift i påska. Det er teknisk feil, sannsynlegvis ei garanti-sak.

Hjartestartarar er å finna på Gullbrå (mjølkerommet til Olav og Anita), Bergo (jentetoalettet på oppveksttunet) og på Høvik (i garasje ved vegen). I tillegg er det ein privat i Yksendalen.

Jorill Nese deltok i open klasse i på NM i utstyrsfritt styrkeløft i Oslo i helga. Ho persa, og kunne reisa heim att til Bergen med sølvmedalje.

Han Kolbein Hausa lyg så det renn or han!

Og i Ljosheim denne fredagskvelden klappar folk hjarteleg – dess verre det vert.

Ja, sjølv dei av oss som held fast ved det åttande bodet om at ein ikkje skal lyge, dei koste seg verkeleg. Og historia om dei to karane frå Eksingedalen, som smelta snjo på heite omnen og selde det som salt, fekk fram den beste applausen frå eit lydhøyrd publikum – sjølv om soga seier at dei vart halshogde på Vossevangen for ugjerninga.

For her var det ikkje snakk om ekte løgn, men skrønene i Vossastubbar. Med Per Sivle sin signatur. Og skrytepaven Kolbein Hausa, han er hovudperson og forteljar i dei fleste Vossastubbane.

25 flotte damer hadde meldt seg på, og entra storsalen i Ljosheim med stil. Ikkje ein einaste pose med strikketøy var å sjå. For no var det stilfull fest som hadde fokus.
Inne i storsalen var borda dekka med klassisk engelsk dekketøy. Rause tekoppar og asjettar og fat med 200 år gamalt klassisk engelsk mønster. Her var det både Ljosheim sine eigne eigedelar, og staseleg servise frå ivrige samlarar i dalen.

Sølvtøy til alt.

Skirenn, andre sundag på rad i løypa på Nesheim. Det var nydeleg sol og gnistrande føre. Å gå skirenn er kjekt, særleg når alle får premie. For dei alle yngste var det fint med ei bestemor, ein bestefar eller ei foreldrehand på sida. Og di eldre ein er, di meir alvor vert det - og di meir tek ein seg ut!

Resultatliste ligg nederst i saka, som vedlagt fil.

I dag var det endeleg skirenn i Eksingedalen. Heile 26 stilte til start i Vaksdalsmeistarskapet, og alle var lova premie.

Annika Brønstad, som driv gard på Flatekval i Eksingedalen har fått ei utmerking frå TINE. Grunnen til dette er at frå fjøset til familien Brønstad er det levert mjølk av høgste kvalitet 5 år på rad. Mjølka som blir henta av TINE, og blir testa for 5 forskjellige parameter. Beste kvalitet må bli oppnådd på alle desse områda for at mjølka kan kallast elitemjølk.
Gratulerer til Annika, Odd Inge og jentene.